Tagiwyd fel: digwyddiadau Toglu Trafodaethau mewn Sylwadau | Bysellau Brys

  • Carl Morris 3:59 PM ar 8 October 2018 Dolen Barhaol | Ateb
    Tagiau: digwyddiadau,   

    Diwrnod Ada Lovelace 2018 ar ddydd Mawrth 9fed Hydref #ALD18 

    Dydd Mawrth 9fed Hydref eleni fydd Diwrnod Ada Lovelace 2018, diwrnod o flogio a thrydar er mwyn tynnu sylw at lwyddiannau menywod mewn gwyddoniaeth a thechnoleg.

    Am ba fenyw ydych chi am flogio neu drydar? Chwiliwch am ‘Diwrnod Ada Lovelace’ ar y we neu ar Twitter i weld hen eitemau er mwyn cael bach o ysbrydoliaeth.

    Mae llwythi o ddigwyddiadau o gwmpas y byd. Dyma sut i drefnu digwyddiad.

     
  • Carl Morris 7:45 AM ar 10 August 2018 Dolen Barhaol | Ateb
    Tagiau: digwyddiadau   

    Hacio’r Iaith 2019: Caerfyrddin 

    Mae hi’n bleser gen i ddweud ein bod ni wedi cadarnhau dyddiad a lleoliad Hacio’r Iaith 2019!

    Fe fydd croeso cynnes i bawb fynychu a chymryd rhan mewn cyfres o sesiynau, gweithdai, trafodaethau a chyflwyniadau am ddefnydd o’r Gymraeg yn y cyfryngau digidol.

    Fe fydd rhagor o fanylion gan gynnwys cofrestru cyn hir (achos mae rhaid cofrestru am eich tocyn am ddim).

    Yn y cyfamser cadwch y dyddiad yn rhydd:

    Hacio’r Iaith 2019
    Dydd Sadwrn 9fed Chwefror 2019
    Yr Egin, Caerfyrddin, Cymru, Ewrop

    Rydyn ni wedi cynnal sawl digwyddiad dros y blynyddoedd ac dyma fydd ein 9fed penblwydd a’r 10fed digwyddiad mawr blynyddol, a’r tro cyntaf i ni ymgynnull yng Nghaerfyrddin.

    x

     
    • Carl Morris 4:03 PM ar 12 Medi 2018 Dolen Barhaol

      Helo!

      Cofrestrwch am le yma!

      Mae tocynnau am ddim ond mae angen cofrestru.

      Rydyn ni’n anelu at drefnu/bwcio sesiynau yn y bore o flaen llaw, gyda gofodau gwag i’w llenwi yn y prynhawn. Cyd-drefnwch yma.

      🙂

    • Leia 1:19 PM ar 18 Medi 2018 Dolen Barhaol

      Yay! Haciaith eto! Yn cario ‘mlaen o’r sgwrs am ferced/hacwragedd y tro dwetha beth gallwn ni’n trefnu i helpu / annogi mwy o ferched i ddod a chyflwyno? Dwi’n hapus is help trefnu pethau ar gyfer plant falle? Sut le yw’r lleoliad am blant / mamau e.e?

    • Carl Morris 2:08 PM ar 5 Hydref 2018 Dolen Barhaol

      Leia… diolch am ofyn a diolch am y sgwrs trwy negeseuon uniongyrchol Twitter.

      Yr ateb yw: llwythi o bethau mae’n siŵr… Dw i’n meddwl bod hyn yn gwestiwn ardderchog ac wedi creu adran ar y ddogfen ar ei gyfer.

  • Carl Morris 11:53 AM ar 31 July 2018 Dolen Barhaol | Ateb
    Tagiau: digwyddiadau, , steddfod2018   

    Y Gymraeg mewn technoleg – ble nesaf? (Dydd Gwener 10 mis Awst 2018) 

    Dewch am weithdy ymarferol lle byddwn yn trin a thrafod y cwestiynau isod:

    • Sut mae mynd i’r afael a’r llu o heriau i’r Gymraeg ar-lein ac mewn meddalwedd?
    • Beth sydd angen yn y maes technoleg Cymraeg? Beth ydyn ni am weld yn ystod y flwyddyn nesaf? Beth am y degawd nesaf?
    • Ym mha achosion ydyn ni’n dibynnu ar GAFA (Google, Amazon, Facebook, Apple) ac eraill, a pha waith sydd yn gallu digwydd tu allan i’r cwmnïau mawrion?
    • Pa newidiadau fydd yn sicrhau bod technolegau cyfrifiadurol/symudol yn gweithio er lles y Gymraeg ac ein cymunedau yn hytrach nag yn ei erbyn?
    • Pa fentrau perthnasol sydd eisoes ar waith? Pa safbwyntiau a syniadau sydd ddim wedi eu hystyried eto? Ble mae’r cyfleoedd i gydweithio?

    Mae llawer o waith gwerthfawr yn digwydd ar draws sectorau (cyhoeddus, preifat, addysg, trydydd sector a gwirfoddol) ond mae hi’n glir bod bylchau ac mae angen gwella cydweithio.

    Rydyn ni’n credu bod gweithredoedd syml yn gallu gwella’r sefyllfa. Pe tasai pawb gyda diddordeb mewn adnoddau iaith digidol yn gallu canfod ffordd anffurfiol ac effeithiol o gydweithio rydyn ni’n gallu casglu syniadau tuag at fap ar gyfer y Gymraeg mewn cyfryngau digidol.

    Allbwn y sesiwn fydd rhestr agored ddrafft o bosibiliadau ymarferol a meysydd manwl sydd angen eu datblygu.

    Y bwriad yw i ysgrifennu’r rhestr yn ystod y sesiwn fel gweithred sydd yn annibynnol o unrhyw gorff neu sefydliad – er rydym yn ymwybodol o botensial mawr i gydweithio ar draws gymunedau, cyrff, mudiadau, a busnes.

    Nid yw’r digwyddiad hwn yn ymdrech i dynnu sylw oddi ar ymdrechion sydd eisoes ar waith, ond annog, cynorthwyo, a chyfrannu atyn nhw.

    Fe fydd croeso cynnes i unrhyw un sydd yn ymddiddori yn y pwnc, a mynediad am ddim.

    Fe fydd hwn yn ddigwyddiad ymylol yn ystod Eisteddfod Genedlaethol, sydd ddim yn rhan swyddogol o’r brifwyl.


    Indycube
    Tŷ Saint Line, Sgwâr Mount Stuart (llawr gwaelod)
    10yb tan 12 hanner dydd
    Dydd Gwener 10fed mis Awst 2018


    Cymuned o bobol proffesiynol ac amatur yw Hacio’r Iaith sydd yn trin a thrafod sut mae technoleg yn berthnasol i’r Gymraeg, sut mae’r iaith yn cael ei ddefnyddio a beth yw’r posibiliadau.

    Diolch o galon i Indycube am gefnogaeth.

     
  • Carl Morris 5:15 PM ar 17 May 2018 Dolen Barhaol
    Tagiau: , , digwyddiadau,   

    Trydedd sesiwn Anturiaethau Mewn Cod 17/5/2018 HENO 

    Fe fydd sesiwn drafod Anturiaethau Mewn Cod heno i’r rhai sydd o gwmpas i drafod codio/rhaglennu/creu apiau.

    Anturiaethau Mewn Cod
    grŵp Hacio’r Iaith ar Telegram
    ar nos Iau 19 Ebrill 2018
    rhwng 7yh a 9yh
    Croeso cynnes i BAWB

    Ewch i hen gofnodion Anturiaethau Mewn Cod am ragor o fanylion.

     
  • Carl Morris 3:59 PM ar 4 April 2018 Dolen Barhaol
    Tagiau: , , digwyddiadau,   

    Ail sesiwn Anturiaethau Mewn Cod 19/4/2018 

    Anturiaethau Mewn Cod yn dychwelyd i’ch dangosydd

    Dw i’n falch iawn o ddweud bod ein hail sesiwn am raglennu wedi ei chadarnhau:

    Anturiaethau Mewn Cod
    dros Telegram
    ar nos Iau 19 Ebrill 2018
    rhwng 7yh a 9yh
    Croeso cynnes i BAWB

    Mae angen gosod client Telegram ar eich peiriant (neu ganfod ffordd arall o fynd ar Telegram). Dyma’r ddolen i grŵp Hacio’r Iaith.

    Y sgwrs gyntaf

    Fe gynhaliwyd ein sgwrs gyntaf ar-lein yr wythnos diwethaf ac roedd hi’n HWYL!

    Yn ogystal â sgwrs ar ystod eang o faterion yn ymwneud â rhaglennu fe oedd bach o stwff ymarferol, hacio a chwarae. Roedd lot o’r pynciau yn anghyfarwydd i mi, ac yn hynod ddiddorol. Cysylltu â BBC Micro o bell dros SSH oedd un o fy uchafbwyntiau (ac mae llun uchod).

    Diolch i bawb am gyfrannu brwdfrydedd, pynciau trafod a dolenni.

    Y nod

    Nod y sesiynau Anturiaethau Mewn Cod yw i roi lle i drafodaeth, hacio, chwarae a dysgu i bobl ar draws Cymru a’r byd sydd ddim fel arfer yn gallu cwrdd wyneb-i-wyneb yn hawdd.

    Efallai bod modd cynnal digwyddiad yn y cnawd am raglennu rhywbryd eleni… Pa bwnc? Mae’n gallu digwydd os oes galw. Dw i’n meddwl bod sesiwn ymarferol yn bosibl yn eich pentref chi gyda thua 5-10 neu fwy o gyfranogwyr/cyd-drefnwyr fel chi.

    Pynciau eraill?

    Nodwch fod y sgwrs yn bennaf am raglennu ond mae modd trefnu sgyrsiau ar-lein ar unrhyw bwnc sy’n ymwneud â thechnoleg a’r Gymraeg. Gadewch wybod yn y sylwadau os oes gennych syniadau!

     
  • Carl Morris 11:46 AM ar 22 March 2018 Dolen Barhaol
    Tagiau: , , digwyddiadau,   

    Anturiaethau Mewn Cod: sesiwn arbrofol ar-lein i drin a thrafod rhaglennu 29/3/2018 

    Karen Leadlay 1964 - dim hawlfraint

    Helo bobl

    Pwy sydd awydd cynnal sesiwn ymarferol o:

    • raglennu
    • datblygu
    • hacio
    • dangos apiau a sgriptiau
    • cyfnewid dolenni i brosiectau?

    Rydyn ni am gael sesiwn o Anturiaethau Mewn Cod dros blatfform sgwrsio Telegram.

    Fe fydd croeso cynnes iawn i bawb.

    Sesiwn gyntaf

    Fe fydd y sesiwn gyntaf ar:
    nos Iau 29 Mawrth 2018
    7yh tan 9yh

    Dewch i grŵp Hacio’r Iaith ar Telegram bryd hynny. (Dw i newydd greu’r sianel ar gyfer y sesiwn – i ddechrau.)

    DIWEDDARIAD 28 MAWRTH: dw i newydd newid y ddolen i ein grŵp Telegram newydd yn hytrach na sianel (mae sianel ar gyfer darlledu gan unigolyn).

    Mae 7 o’r gloch yn teimlo i mi fel amser da i ddechrau, ac wedyn mynd ymlaen tan tua 9 o’r gloch. Ond mae pobl yn gallu parhau os oes rhywbeth o ddiddordeb mawr.

    Y platfform

    Os ydych chi eisiau cymryd rhan dw i’n argymell eich bod chi’n gosod Telegram ar eich peiriant.

    O’n i wedi ystyried platfformau eraill megis Slack, Discord, ayyb ond mae Telegram yn teimlo fel yr un mwyaf rydd gyda’r siawns orau o gynnig rhyngwyneb Cymraeg yn y dyfodol agos. Dw i eisoes yn aelod o gwpl o grwpiau ac mae’n gweithio’n dda. Rydyn ni’n gallu monitro pa mor addas yw e wrth fynd ymlaen.

    Rhaglennu, a phynciau eraill

    Yn Hacio’r Iaith yng Nghaerdydd eleni roedd ambell i berson wedi dweud bod nhw eisiau cyfle i wneud codio ymarferol neu rannu prosiectau fel apiau maen nhw wedi datblygu. Mae’r sesiwn yn ymdrech i gynnig y cyfle yna.

    Cofiwch fod popeth yn arbrofol y tro hwn. Croesawir cyfranogaeth, brwdfrydedd, syniadau, ac adborth!

    Wrth gwrs ni fydd y pwyslais a phwnc o ddiddordeb i bawb. Felly gad wybod os ydych chi eisiau cynnal sesiwn debyg ar bwnc arall. Fe geisiaf cynnig help!

     
    • Huw 12:29 AM ar 23 Mawrth 2018 Dolen Barhaol

      Dwi’n gobeithio bod ar hwn i rannu unrhyw bytiau o god dwi efo, ac i adolygu cod a cheisio’u gael i weithio – python, Java, SQL, R etc.

    • Carl Morris 1:11 PM ar 28 Mawrth 2018 Dolen Barhaol

      Nodwch fy mod i wedi newid y ddolen i’r grŵp. Gweler fy niweddariad yn y blogiad uchod.

    • Carl Morris 9:17 PM ar 29 Mawrth 2018 Dolen Barhaol

      Diolch i bawb am sgwrs mor ddiddorol heno!

      Roedd y pynciau trafod yn cynnwys: straeon mewn Twine, API Facebook, data mawrion Cambridge Analytica, Word2vec, RiscPC, RetroPie, BeebEm, Cofnod y Cynulliad, Raspbian, Poedit, Cysill, APIs Cymreig, CLDR, dysgu rhaglennu, data ar Twitter, ceisio adnabod gender ar y cyfryngau cymdeithasol ac Open Semantic Search…!

      Nos Iau 19 Ebrill fydd yr un nesaf. Croeso cynnes i bawb! Blogiad i ddilyn.

    • Rhos Prys 2:29 PM ar 10 Ebrill 2018 Dolen Barhaol

      Nes i golli’r sesiwn gyntaf, oes ffordd i mi weld y drafodaeth fuodd ar Telegram? Dim ond yr hyn sy’n dilyn yr amser nes i ymuno sydd i’w weld?
      Hefyd oes posib cael sgwrs am Mastodon.social? Falle byse’n ddifyr archwilio’r posibiliadau 🙂

    • Carl Morris 2:59 PM ar 10 Ebrill 2018 Dolen Barhaol

      Helo Rhos.

      Pa ap wyt ti’n defnyddio?

      Mae archifau i weld yn iawn ar Telegram Desktop ar Linux.

      Dw i’n aelod cyffredin, fel petai, o grwpiau eraill ac mae modd gweld archifau cyn i mi ymaelodi.

      Hapus iawn i edrych at Mastodon.social. Yn bendant dylen ni edrych at fabwysiadu pethau cwbl rydd. Oes modd darparu demo neu brawf cysyniadol tybed?

    • Rhos Prys 5:18 PM ar 10 Ebrill 2018 Dolen Barhaol

      Telegram Desktop ar LinuxMint 18.2/Android 6.
      Yn ôl:
      https://www.quora.com/How-much-of-a-group-chat-history-can-a-newly-added-member-in-Telegram-see?share=1
      In a usual group chat, the person who’s adding a new member can choose how many last messages to re-send to the new member; by default it’s last 50 messages.
      😉

      Mastodon – mae modd ymuno â https://mastodon.social/about neu greu dy enghraifft dy hun. Mae modd lleoleiddio, er mae’n edrych yn fwy technegol na’r cyffredin.

    • Carl Morris 11:55 AM ar 12 Ebrill 2018 Dolen Barhaol

      Dw i newydd newid y grŵp i sŵper-grŵp felly dylai hi fod yn bosibl gweld yr archif bellach.

      Diolch Rhos!

  • Carl Morris 3:23 PM ar 19 March 2018 Dolen Barhaol
    Tagiau: digwyddiadau,   

    Cynhadledd Cwlwm Celtaidd 2018, Aberystwyth 

    Dyma wybodaeth wrth Jason Evans:

    Ar y 5ed a 6ed o Orffennaf bydd Llyfrgell Genedlaethol Cymru yn cynnal cynhadledd Cwlwm Celtaidd.

    Cynhadledd Cwlwm Celtaidd 2018 fydd yr ail gynhadledd iaith Wicipedia i’w chynnal ac mi fydd yn canolbwyntio ar gefnogi ieithoedd Celtaidd a brodorol.

    Eleni, trefnir y digwyddiad ar y cyd gan Llyfrgell Genedlaethol Cymru a Wikimedia UK. Prif amcan Cwlwm Celtaidd 2018 fydd uno pobl sy’n gweithio’n ddiwyd i gefnogi cymunedau ieithyddol oddi tan yr un to; gan dynhau’r berthynas rhyngddynt yn ‘gwlwm’ cadarn, a’u cynorthwyo i weithredu.

    Mae modd cyflwyno papur neu gofrestru am y gynhadledd ar wefan y digwyddiad.

    https://wikimedia.org.uk/wiki/Cynhadledd_Cwlwm_Celtaidd_2018

    Celtic Knot yw enw arall am y gynhadledd.

    (Cysylltwch yn uniongyrchol am ragor o fanylion.)

    Llun gan Les Barker (CC-BY-SA)

     
  • Carl Morris 12:17 PM ar 2 February 2018 Dolen Barhaol
    Tagiau: , digwyddiadau, ofcom   

    Sesiwn agored arloesedd Ofcom, Caerdydd, 13 Chwefror 2018 

    Dyma fanylion am ddigwyddiad Ofcom dw i newydd weld:

    Sesiwn Agored Arloesedd Ofcom – CAERDYDD
    Dydd Mawrth 13 Chwefror 2018
    6:30pm – 8:30pm
    Rheoleiddiwr telegyfathrebu prif ffrwd, symudol, band-eang, teledu, radio a gwasanaethau-ar-alw y Deyrnas Gyfunol yw Ofcom . Eu cyfrifoldeb nhw yw sicrhau bod pobl y DG yn cael y dewis orau o wasanaethau cyfathrebu a bod y farchnad yn darparu dewis, dibynadwyedd a gwasanaethau arloesol i ddefnyddwyr.

    Maent yn awyddus i ryddhau mwy o ddata agored er mwyn gweld pa arloesedd a mewnwelediad gall hynny ysgogi.

    Mae Ofcom eisoes yn cynhyrchu ystod hynod arbennig o ddata – cryfder signal symudol a band llydan, data technegol telegyfathrebu, ymwybyddiaeth gyfryngol a llawer mwy – sydd yn faes parod i’w ddadansoddi a datblygu. Dymunant gyflawni llawer mwy. Gallwch chi helpu llywio rhyddhau setiau o ddata agored y dyfodol, neu ddefnyddio data agored i greu gwasanaeth i gwsmeriaid, neu ddylunio ap i hysbysu defnyddwyr am eu telegyfathrebu fel bod ganddynt ddewis go iawn o wasanaethau.

    Ymunwch gyda ni ar Nos Fawrth 13eg Chwefror 2018 yn Indycube Lôn Trade St, 6.30yh-8.30yh ar gyfer y sesiwn agored olaf ynglŷn ag arloesi gyda data Ofcom,

    Bydd hi’n sesiwn anffurfiol ble bydd syniadau a chwestiynau pawb yn cael eu parchu a’u nodi ar ddogfen Google y gallwn ni gyfeirio ati eto yn y dyfodol. Rydym yn gweithredu mewn modd hollol agored, felly bydd yna groeso i bobl nad sydd yn gallu mynychu ychwanegu eu mewnbwn nhw hefyd. Beth bynnag eich diddordeb yng nghyfathrebu’r cyfryngau, mae’n sicr bod gennych farn a mewnbwn gwerthfawr i gynnig felly buasem ni wrth ein bodd yn eich gweld chi yn un o ddigwyddiadau Ofcom.

    Cofrestrwch am y digwyddiad.

    Cysylltwch ag Ofcom neu’r Sefydliad Data Agored yn uniongyrchol am ragor o wybodaeth.

     
  • Carl Morris 2:48 PM ar 28 January 2018 Dolen Barhaol
    Tagiau: digwyddiadau, ,   

    Hacio’r Iaith 2018 – diolch o galon 

    Diolch o galon i holl fynychwyr a chyd-drefnwyr Hacio’r Iaith 2018 am ddigwyddiad arddechog ddoe!

    Byddaf i’n cnoi cil dros eich cyflwyniadau a’r trafodaethau am y flwyddyn i ddod!

    Pigion

    Dyma ddetholiad o’r hyn a drafodwyd (sy’n anghyflawn dw i’n gwybod).

    Mae Rhys Wynne wedi gwneud job ardderchog o grynhoi rhai o’r sesiynau.

    Mae hefyd llwytho o bethau Twitter ar yr hashnod #haciaith.

    Cadwch y ddydiad: Celtic Knot 2018

    I’r rhai sydd eisoes yn meddwl am y digwyddiad tech ieithyddol nesaf mae Jason Evans ac eraill yn trefnu cynhadledd Celtic Knot, Aberystwyth, 5-6 Gorffennaf 2018 sydd yn debygol o denu pobl o sawl cefndir ieithyddol yn Ewrop (nid dim ond pobl ‘Celtaidd’). Fe fydd rhagor o fanylion nes ymlaen. Yn y cyfamser ewch i wefan Celtic Knot sydd yn cynnwys galw am bapurau academaidd newydd.

     
  • Carl Morris 9:16 PM ar 3 October 2017 Dolen Barhaol
    Tagiau: digwyddiadau,   

    Yn cyflwyno… Diwrnod Ada Lovelace 2017 #ALD17 

    Dydd Mawrth 10fed Hydref fydd Diwrnod Ada Lovelace 2017, diwrnod o flogio a thrydar er mwyn tynnu sylw at lwyddiannau menywod mewn gwyddoniaeth a thechnoleg.

    Am ba fenyw ydych chi am flogio neu drydar?

    Fe fydd cyfle hefyd i gymryd rhan mewn gwaith celf torfol ym Mhrifysgol Fetropolitan Caerdydd.

    Mae hyn yn ogystal â llwythi o ddigwyddiadau eraill o gwmpas y byd.

     
c
compose new post
j
next post/next comment
k
previous post/previous comment
r
reply
e
edit
o
show/hide comments
t
go to top
l
go to login
h
show/hide help
esc
cancel