Diweddariadau Carl Morris Toglu Trafodaethau mewn Sylwadau | Bysellau Brys

  • Carl Morris 5:21 PM ar 4 January 2019 Dolen Barhaol | Ateb
    Tagiau: , ,   

    Ymchwil ar Facebook gan Leighton Andrews 

    Ydych chi wedi cyfrannu at gyfieithu Facebook i’r Gymraeg?

    Mae’r academydd Leighton Andrews yn gweithio ar astudiaeth o Facebook, ac wedi gofyn i mi helpu trwy basio’r cwestiynau isod ymlaen at sylw unrhyw un sydd wedi cyfrannu at gyfieithu rhyngwyneb Facebook.

    Anfonwch eich atebion i’r cwestiynau at AndrewsL7@cardiff.ac.uk os gwelwch yn dda.

    • Sut ddaethoch chi’n rhan o’r prosiect i gyfieithu Facebook i’r Gymraeg?
    • A oedd hyn yn rhan o ymgyrch bwriadol neu a wnaethoch chi ymuno fel unigolyn?
    • Pa gysylltiad fu rhyngddoch chi â Facebook ei hun?
    • Sut fyddech chi’n disgrifio eich ymwneud â Facebook?
    • A oedd Facebook yn cydymdeimlo â’ch amcanion?
    • Beth yw’r fantais o gael wyneb-ddalen Gymraeg ar Facebook?
    • Sut fyddech chi’n disgrifio effaith Facebook ar yr iaith Gymraeg?
     
  • Carl Morris 9:07 PM ar 27 December 2018 Dolen Barhaol | Ateb
    Tagiau: bro360,   

    Bro360: cyfle i weithio fel datblygydd ar brosiect gwefannau bro 

    Mae straeon am brosiect newydd Bro360 eisoes wedi bod ar Golwg360 a BBC Cymru Fyw.

    Dyma neges wrth gwmni Golwg am y prosiect newyddion cymunedol, a chyfle i rywun gydweithio gyda’r cwmni fel datblygydd meddalwedd.

    Mae Golwg Cyf yn dymuno penodoi cwmni neu gonsortiwm cymwys i greu meddalwedd fydd yn sylfaen ar gyfer cynllun Bro360.


    Mae Bro360 yn gynllun arloesol sydd â’r nod o gydweithio gyda chymunedau i greu rhwydwaith o wefannau bro Cymraeg fydd yn darparu newyddion lleol, ynghyd â chynnwys a gwasanaethau amrywiol eraill. Yn ystod cyfnod peilot y cynllun (2019 – 2022) byddwn yn gweithio’n benodol gyda chymunedau yn ardaloedd Arfon a Gogledd Ceredigion, ond y nod hirdymor ydy ymestyn y cynllun a’r rhwydwaith yn ehangach.


    Rydym yn awyddus i benodi cwmni digidol fydd yn gweithredu fel partner wrth ddatblygu elfennau technegol a datblygu meddalwedd y cynllun, gan rannu’r un daliadau a brwdfrydedd â ni ynglŷn â’r botensial.


    Er bydd y prosiect yn hyrwyddo a hybu defnydd o amryw lwyfannau digidol ymysg cymunedau lleol, mae gwefan ganolog sy’n ddeinamig ac yn hyblyg yn hollol allweddol i lwyddiant y cynllun. Prif rôl ein partner digidol fydd i ddatblygu meddalwedd addas ac effeithiol ar gyfer y cynllun ar sail yr hyn mae Golwg, a’r cymunedau lleol yn dymuno ei weld.


    Bydd y feddalwedd yn cael ei adeiladu ar sylfaen WordPress, ac yn ogystal â bod yn rhwydd i’w ddefnyddio i bobl o bob gallu technegol, bydd yn rhyngweithio ac yn gweithio’n effeithiol ochr yn ochr â meddalwedd Golwg360. Yn hynny o beth rydym yn dychmygu y bydd gan gwmniau addas brofiad helaeth o ddatblygu gwefannau gan ddefnyddio lwyfan WordPress.

    Fe fydd rhagor o fanylion yn cael eu cyhoeddi ar wefan Gwerthwch i Gymru fel galwad ffurfiol am geisiadau tendr yn y flwyddyn newydd. E-bostiwch Owain Schiavone os ydych chi am dderbyn neges atgoffa pan fydd yr alwad am dendrau yn fyw.

    Dw i’n ceisio bod yn dryloyw bob amser wrth flogio felly hoffwn i ddatgan fy mod i’n gweithio gyda Golwg ar elfennau o brosiect Bro360, fel ymgynghorydd meddalwedd.

     
  • Carl Morris 1:10 PM ar 11 December 2018 Dolen Barhaol | Ateb
    Tagiau: , TwentyNineteen,   

    Newid thema gwefan Hacio’r Iaith 

    Unrhyw farn cryf ar sut ddylai wefan Hacio’r Iaith edrych?

    Dw i wedi bod yn profi thema TwentyNineteen a’i gyfieithiad newydd gan Rhos Prys. Mae’r thema yn edrych fel Medium – addas iawn i erthyglau amlgyfrwng hirion.

    Weithiau dw i’m teimlo bod angen cael gwedd ar Hacio’r Iaith sydd DDIM yn rhy slic ac sydd ddim fel cylchgrawn – er mwyn ein sbarduno i flogio pytiau a rhannu meddyliau yn sydyn, heb deimlo bod gormod o safonau a disgwyliadau llym.

    Mae P2 wedi bod yn eithaf da yn hynny o beth. I’r rhai sydd ddim wedi ei weld, mae hi’n bosibl blogio yn syth o’r tudalen flaen – os oes cyfrif gyda chi. Yn y dechrau o’n i’n hapus i greu cyfrif i unrhyw un a ddaeth i ddigwyddiad Hacio’r Iaith. Mae hyn wedi arafu ychydig oherwydd pwysau eraill ond dw i’n hapus i ailystyried.)

    Efallai bod y wefan yn fwy o gwch gwenyn na chylchgrawn slic. Un o’r pethau dw i wedi mwynhau dros y blynyddoedd ydy cynnal sgwrs gyda chi yn y sylwadau am bethau amrywiol. Mae cofnodion ‘anghyflawn’ yn rhan o hyn.

    Bach o hanes: mae gwefan Hacio’r Iaith ar y we ers mis Tachwedd 2009. Mae’r wefan ar WordPress ers y dechrau ac wedi bod ar fersiwn o thema P2 am y rhan fwyaf o’r amser hyd heddiw. Dechreuwyd yr Haclediad yn 2010. Rydym wedi cyd-drefnu sawl digwyddiad Hacio’r Iaith yn y cyfamser wrth gwrs. Newidiwyd o’r enw haciaith.com i’r enw haciaith.cymru yn ddiweddarach.

     
    • Rhodri ap Dyfrig 1:25 PM ar 11 Rhagfyr 2018 Dolen Barhaol

      Mae’n gynrychiolaeth arlein o gymuned, felly mae thema mwy addas i drafodaeth a phytiau yn lle erthyglau hirion yn well yfmi.

  • Carl Morris 12:11 PM ar 1 November 2018 Dolen Barhaol | Ateb
    Tagiau:   

    Meddalwedd Mastodon ar gael yn Gymraeg 

    Dw i wedi sôn am Mastodon o’r blaen yma, y rhwydwaith cymdeithasol fyd-eang ar feddalwedd rydd sydd yn arddel gwerthoedd datganoledig a chymunedol.

    Nodyn bach sydyn ydy hwn i ddweud bod meddalwedd Mastodon bellach ar gael yn Gymraeg.

    Mae hyn yn golygu bod modd:

    • cynnig Cymraeg fel iaith rhyngwyneb os ydych chi am sefydlu achos/gweinydd eich hunain
    • dewis Cymraeg fel iaith eich rhyngwyneb ar unrhyw achos/gweinydd o hyn ymlaen, cyn belled bod y gweinyddwr[aig] wedi gosod y meddalwedd arferol gan gynnwys pecynnau iaith.

    e.e. dyma gwpl o enghreifftiau o achosion sy’n cynnig y rhyngwyneb Cymraeg eisoes:

    • twt.cymru – menter newydd gan Jaz-Michael King i ddarparu achos dwyieithog cyffredinol i Gymru (mwy o fanylion am hyn yn y man)
    • mastodon.social – y gweinydd mwyaf boblog yn fyd-eang
    • rhai eraill

    Mae rheolwyr y prosiect wedi diweddaru’r ystorfa ar Github gyda’r cyfieithiadau Cymraeg o system Weblate yn ddiweddar yr wythnos hon.

    Diolch o galon i Owain Rhys Lewis, Rhos Prys, a Jaz-Michael King am eu gwaith ar y cyfieithiad.

    Wrth gwrs bydd angen i bobl ddiweddaru’r cyfieithiad ar Weblate wrth i nodweddion newydd ar y system gael eu hychwanegu.

     
  • Carl Morris 3:59 PM ar 8 October 2018 Dolen Barhaol
    Tagiau: ,   

    Diwrnod Ada Lovelace 2018 ar ddydd Mawrth 9fed Hydref #ALD18 

    Dydd Mawrth 9fed Hydref eleni fydd Diwrnod Ada Lovelace 2018, diwrnod o flogio a thrydar er mwyn tynnu sylw at lwyddiannau menywod mewn gwyddoniaeth a thechnoleg.

    Am ba fenyw ydych chi am flogio neu drydar? Chwiliwch am ‘Diwrnod Ada Lovelace’ ar y we neu ar Twitter i weld hen eitemau er mwyn cael bach o ysbrydoliaeth.

    Mae llwythi o ddigwyddiadau o gwmpas y byd. Dyma sut i drefnu digwyddiad.

     
  • Carl Morris 2:15 PM ar 29 August 2018 Dolen Barhaol
    Tagiau:   

    Dychmygu achos[ion] Mastodon newydd 

    Mae potential Mastodon yn eithaf cyffrous ac dw i am asesu’r alw ymhlith bobl sy’n darllen hyn.

    • Pe tasai achos[ion] Mastodon newydd yn cael ei sefydlu pa nodweddion a chymuned hoffech chi weld?
    • Pe tasen ni – pwy bynnag ydyn ni… – yn breuddwydio am fath newydd o wasanaeth ffrwd eitemau (fel Twitter neu Tumblr efallai) pa bethau/bersonaliaeth/diwylliant sy’n bwysig i ni?
    • Neu fel arall, pa elfennau o brofiad Twitter, Tumblr, a gwasanaethau corfforaethol eraill fel y mae sydd ddim yn apelgar i chi?

    Gwyliwch y fideo i ddysgu mwy am Mastodon:

     
  • Carl Morris 7:45 AM ar 10 August 2018 Dolen Barhaol
    Tagiau:   

    Hacio’r Iaith 2019: Canolfan Yr Egin, Caerfyrddin, 9fed Chwefror 

    Mae hi’n bleser gen i ddweud ein bod ni wedi cadarnhau dyddiad a lleoliad Hacio’r Iaith 2019!

    Fe fydd croeso cynnes i bawb fynychu a chymryd rhan mewn cyfres o sesiynau, gweithdai, trafodaethau a chyflwyniadau am ddefnydd o’r Gymraeg yn y cyfryngau digidol.

    Fe fydd rhagor o fanylion gan gynnwys cofrestru cyn hir (achos mae rhaid cofrestru am eich tocyn am ddim).

    Yn y cyfamser cadwch y dyddiad yn rhydd:

    Hacio’r Iaith 2019
    Dydd Sadwrn 9fed Chwefror 2019
    Yr Egin, Caerfyrddin, Cymru, Ewrop

    Rydyn ni wedi cynnal sawl digwyddiad dros y blynyddoedd ac dyma fydd ein 9fed penblwydd a’r 10fed digwyddiad mawr blynyddol, a’r tro cyntaf i ni ymgynnull yng Nghaerfyrddin.

    x

     
    • Carl Morris 4:03 PM ar 12 Medi 2018 Dolen Barhaol

      Helo!

      Cofrestrwch am le yma!

      Mae tocynnau am ddim ond mae angen cofrestru.

      Rydyn ni’n anelu at drefnu/bwcio sesiynau yn y bore o flaen llaw, gyda gofodau gwag i’w llenwi yn y prynhawn. Cyd-drefnwch yma.

      🙂

    • Leia 1:19 PM ar 18 Medi 2018 Dolen Barhaol

      Yay! Haciaith eto! Yn cario ‘mlaen o’r sgwrs am ferced/hacwragedd y tro dwetha beth gallwn ni’n trefnu i helpu / annogi mwy o ferched i ddod a chyflwyno? Dwi’n hapus is help trefnu pethau ar gyfer plant falle? Sut le yw’r lleoliad am blant / mamau e.e?

    • Carl Morris 2:08 PM ar 5 Hydref 2018 Dolen Barhaol

      Leia… diolch am ofyn a diolch am y sgwrs trwy negeseuon uniongyrchol Twitter.

      Yr ateb yw: llwythi o bethau mae’n siŵr… Dw i’n meddwl bod hyn yn gwestiwn ardderchog ac wedi creu adran ar y ddogfen ar ei gyfer.

  • Carl Morris 11:53 AM ar 31 July 2018 Dolen Barhaol
    Tagiau: , , steddfod2018   

    Y Gymraeg mewn technoleg – ble nesaf? (Dydd Gwener 10 mis Awst 2018) 

    Dewch am weithdy ymarferol lle byddwn yn trin a thrafod y cwestiynau isod:

    • Sut mae mynd i’r afael a’r llu o heriau i’r Gymraeg ar-lein ac mewn meddalwedd?
    • Beth sydd angen yn y maes technoleg Cymraeg? Beth ydyn ni am weld yn ystod y flwyddyn nesaf? Beth am y degawd nesaf?
    • Ym mha achosion ydyn ni’n dibynnu ar GAFA (Google, Amazon, Facebook, Apple) ac eraill, a pha waith sydd yn gallu digwydd tu allan i’r cwmnïau mawrion?
    • Pa newidiadau fydd yn sicrhau bod technolegau cyfrifiadurol/symudol yn gweithio er lles y Gymraeg ac ein cymunedau yn hytrach nag yn ei erbyn?
    • Pa fentrau perthnasol sydd eisoes ar waith? Pa safbwyntiau a syniadau sydd ddim wedi eu hystyried eto? Ble mae’r cyfleoedd i gydweithio?

    Mae llawer o waith gwerthfawr yn digwydd ar draws sectorau (cyhoeddus, preifat, addysg, trydydd sector a gwirfoddol) ond mae hi’n glir bod bylchau ac mae angen gwella cydweithio.

    Rydyn ni’n credu bod gweithredoedd syml yn gallu gwella’r sefyllfa. Pe tasai pawb gyda diddordeb mewn adnoddau iaith digidol yn gallu canfod ffordd anffurfiol ac effeithiol o gydweithio rydyn ni’n gallu casglu syniadau tuag at fap ar gyfer y Gymraeg mewn cyfryngau digidol.

    Allbwn y sesiwn fydd rhestr agored ddrafft o bosibiliadau ymarferol a meysydd manwl sydd angen eu datblygu.

    Y bwriad yw i ysgrifennu’r rhestr yn ystod y sesiwn fel gweithred sydd yn annibynnol o unrhyw gorff neu sefydliad – er rydym yn ymwybodol o botensial mawr i gydweithio ar draws gymunedau, cyrff, mudiadau, a busnes.

    Nid yw’r digwyddiad hwn yn ymdrech i dynnu sylw oddi ar ymdrechion sydd eisoes ar waith, ond annog, cynorthwyo, a chyfrannu atyn nhw.

    Fe fydd croeso cynnes i unrhyw un sydd yn ymddiddori yn y pwnc, a mynediad am ddim.

    Fe fydd hwn yn ddigwyddiad ymylol yn ystod Eisteddfod Genedlaethol, sydd ddim yn rhan swyddogol o’r brifwyl.


    Indycube
    Tŷ Saint Line, Sgwâr Mount Stuart (llawr gwaelod)
    10yb tan 12 hanner dydd
    Dydd Gwener 10fed mis Awst 2018


    Cymuned o bobol proffesiynol ac amatur yw Hacio’r Iaith sydd yn trin a thrafod sut mae technoleg yn berthnasol i’r Gymraeg, sut mae’r iaith yn cael ei ddefnyddio a beth yw’r posibiliadau.

    Diolch o galon i Indycube am gefnogaeth.

     
  • Carl Morris 5:31 PM ar 21 May 2018 Dolen Barhaol
    Tagiau: , menywod   

    Enwebiad i Delyth Prys am ei gwaith ym maes technolegau iaith 

    Llongyfarchiadau i Delyth Prys am gyrraedd rownd derfynol gwobrau Womenspire 2018.

    Cafodd ei henwebu yn y categori Adeiladu Cymru am ei gwaith ym maes technolegau iaith dros y blynyddoedd.

    Mae’r wobr honno yn dathlu’r menywod sydd wedi gwneud gwahaniaeth yng Nghymru mewn sectorau technegol a gwyddonol, ac sydd wedi cefnogi datblygiad menywod eraill yn y meysydd hynny.

    Mae Delyth yn bennaeth Uned Technolegau Iaith ym Mhrifysgol Bangor ac wedi cyfrannu llawer at ddigwyddiadau Hacio’r Iaith ers y dechrau.

    Dymunwn bob lwc iddi ar 5ed Mehefin pan fydd y noson wobrwyo yn cael ei chynnal yng Nghanolfan y Mileniwm, Caerdydd.

     
  • Carl Morris 5:15 PM ar 17 May 2018 Dolen Barhaol
    Tagiau: , , ,   

    Trydedd sesiwn Anturiaethau Mewn Cod 17/5/2018 HENO 

    Fe fydd sesiwn drafod Anturiaethau Mewn Cod heno i’r rhai sydd o gwmpas i drafod codio/rhaglennu/creu apiau.

    Anturiaethau Mewn Cod
    grŵp Hacio’r Iaith ar Telegram
    ar nos Iau 19 Ebrill 2018
    rhwng 7yh a 9yh
    Croeso cynnes i BAWB

    Ewch i hen gofnodion Anturiaethau Mewn Cod am ragor o fanylion.

     
c
compose new post
j
next post/next comment
k
previous post/previous comment
r
reply
e
edit
o
show/hide comments
t
go to top
l
go to login
h
show/hide help
esc
cancel