Enwebiad i Delyth Prys am ei gwaith ym maes technolegau iaith

Llongyfarchiadau i Delyth Prys am gyrraedd rownd derfynol gwobrau Womenspire 2018.

Cafodd ei henwebu yn y categori Adeiladu Cymru am ei gwaith ym maes technolegau iaith dros y blynyddoedd.

Mae’r wobr honno yn dathlu’r menywod sydd wedi gwneud gwahaniaeth yng Nghymru mewn sectorau technegol a gwyddonol, ac sydd wedi cefnogi datblygiad menywod eraill yn y meysydd hynny.

Mae Delyth yn bennaeth Uned Technolegau Iaith ym Mhrifysgol Bangor ac wedi cyfrannu llawer at ddigwyddiadau Hacio’r Iaith ers y dechrau.

Dymunwn bob lwc iddi ar 5ed Mehefin pan fydd y noson wobrwyo yn cael ei chynnal yng Nghanolfan y Mileniwm, Caerdydd.